IniciosociedadeTrescentas persoas de oito concellos participan nas primeiras Olimpíadas da Mariña Central

Trescentas persoas de oito concellos participan nas primeiras Olimpíadas da Mariña Central

Equipos de Alfoz, Valadouro, Burela, Cervo, Barreiros, Lourenzá, Mondoñedo e Foz sumáronse á iniciativa coa que se reivindica a unión da bisbarra

Publicada o

- Advertisement -

Unhas trescentas persoas de oito concellos participarán nas Olimpíadas da Mariña Central, que comezan este sábado. As probas culturais inauguran o calendario desta xuntanza que continuará nas vindeiras semanas con probas artísticas, deportivas e xogos populares.

A elección do pavillón de Alfoz como primeira sede non é casual. A iniciativa eleva ao ámbito comarcal as Olimpíadas Interparroquiais que se comezaron a organizar nese municipio en 2014 da man do daquela concelleiro de Cultura, Pepe Peinó.

UNIDADE DA COMARCA

A intención é “xuntarse, divertirse, competir e crear Mariña. Fálase moito de que somos unha comarca pero, ás veces, cada un vai polo seu lado”, comenta o mestre, que conseguiu involucrar neste novo proxecto organizacións culturais dos diferentes concellos. Os colectivos encargáronse de confeccionar os oito equipos olímpicos.

Alfoz, O Valadouro, Lourenzá, Mondoñedo, Cervo, Burela, Foz e Barreiros estarán representados nestes olimpiadas populares que se poñen en marcha co propósito de seguir sumando edicións e concellos.

“Hai xente que non sabe en que equipo anotarse. Eu mesmo: nacín en Foz, traballo no Valadouro, parte da miña familia é de Mondoñedo”, relata Peinó quen destaca tamén o carácter “interxeneracional” dos equipos, con persoas de todas as idades.

A xuventude é un valor para a proba deportiva -unha competición de fútbol sala- pero a experiencia, o coñecemento acumulado e o talento artístico son imprescindibles para o resto das probas, e todas teñen o mesmo peso de cara á puntuación final.

PROBA CULTURAL

Os oito equipos terán que someterse ás probas culturais: Un, dous, tres , Trivial e Stop.

Un xurado formado polo ex conselleiro e inspector educativo, Celso Currás, o decano da Facultade de Formación do Profesorado, Francisco Rodríguez Lestegás, a delegada de Cultura da Deputación de Lugo, Pilar García Porto, e o xornalista Pablo Villapol valorará a idoneidade das respostas.

A posta en escena respetará o protocolo dos Xogos Olímpicos coa audición dun himno creado para a ocasión polo compositor Jorge Olivera e cun desfile inaugural dos participantes.

Pepe Peinó e a xornalista Beatriz Yáñez serán os mestres de ceremonia desta primeira xornada, que comezará ás 17.00 horas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...